Wendy Kennedy
7 juny, 06:55 • 3 minuten lêstiid
It grutste lokaasjeteäterfestival fan Europa is hjoed úteinset: Oerol. It festival programmearret lykas foarich jier op minder plakken, om't it hieltyd lestiger wurdt om yn de kwetsbere natuer fan Skylge te wurkjen.
Der wurdt mear en mear tiid stutsen yn de tarieding, yn nauwe gearwurking mei Staatsbosbeheer.
Win-win: kultuer neist natuer
"It is echt topsport", sa fynt de nagelnije direkteur fan Oerol Mikey Martins. "We moatte in soad witte oer de natuer, de fûgels en de omjouwing. We wurkje gear mei wittenskippers, wyldebiste-eksperts en miljeusaakkundigen. Want hoe makkest in festival yn in wrâld dêr't der mear en mear soargen binne oer ús ympakt op de natuer?"
Er kan altijd een vogel zijn die op het laatste moment denkt: dat vind ik een leuk plekje, daar ga ik zitten.
Oerol wurket al jierren nau gear mei Staatsbosbeheer. "Onder het hele festival ligt een natuurtoets die al veel kaders schept. Elke locatie wordt dan weer apart bekeken aan de hand van de plannen van de makers. Er wordt dan gekeken of het allemaal mogelijk is en of er wellicht moet worden bijgestuurd", fertelt Feline Zwaan fan Staatsbosbeheer.
"Er kan altijd een vogel zijn die op het laatste moment denkt: dat vind ik een leuk plekje, daar ga ik zitten. Dan moet je echt gaan kijken of het op die plek nog mogelijk is of dat we nog wat kunnen doen met maatregelen", ferfolget Zwaan.
Der moast mar leafst fiif kear wat ferpleatst wurde yn it jier lyk nei corona. "Het komt wel eens voor dat we moeten verplaatsen, maar dat jaar was wel echt een record." Der wiene wat saken feroare yn natuergebieden. "En mensen hadden na corona weer zin om dingen te ondernemen. Dan moet je toch zeggen: het kan niet overal."
Zwaan hat de yndruk dat dat jier wol in kearpunt west hat foar Oerol. "Ik begrijp heel goed dat ze een nieuwe weg in zijn gegaan die meer gericht is op kwaliteit dan kwantiteit."
It jout Oerol neffens har mear lucht. "Er zijn minder locaties in gebruik, waardoor er veel meer ruimte is om te ruilen als er ergens iets broedt, groeit of bloeit wat belemmeringen geeft."
"Wy binne ek minsken op dizze ierde dy't soargen hawwe oer it klimaat en de natuer", sa seit direkteur fan Oerol Martins. "It wurdt foar ús as festival hieltyd dreger om te foldwaan oan alle fergunningen fanwegen strangere regels. Dat komt fansels om't eltsenien him soargen makket oer de natuer. Ek wy hawwe dizze soarch."
"It team hat hjirtroch leare moatten hiel krekt te wêzen. Ik hoopje dat Oerol hjirtroch just in sterkere organisaasje wurdt." Martins seit dat der yntusken in soad ekspertize by Oerol is oer it wurkjen as festival yn kwetsbere natuer. "We leare noch hieltyd en hooplik kinne we ek oare festivals helpe mei ús ûnderfinings."
Belang Staatsbosbeheer
Staatsbosbeheer stekt altyd in soad tiid yn Oerol. "Je kunt natuur beschermen door plekken af te sluiten. Sommige gebieden hebben dat ook echt nodig. Aan de andere kant kun je ook de natuur beschermen door mensen er juist naar toe te nemen, ze het te laten beleven."
"Wij vinden Oerol een manier waar mensen in aanraking komen met de natuur en zo hopelijk de liefde voor die plekken gaan ontdekken. Dat is ook een vorm van natuur beschermen."
Tips fan de redaksje
Lêste nijs
Omrop Fryslân is ek fia WhatsApp te folgjen. Fia ús WhatsApp-kanaal stjoere wy dy nijsgjirrige berjochten en fideo’s út Fryslân en bliuwsto op ’e hichte. Abonnearje dy hjir.
